قصة : فتاة منتصف الليل 🕛 | بالدرجة المغربية | البارت 99

ميليسا: بغيتي تقولي بلي محملتيهاش حيت زوينة عليك وداخلة سوق راسها

ساندرا: منين جاها الزين تلقايها غير سابغة شعرها ودايرة العدسات ومن لفوق معفرة مبغاتش حتى تجلس معانا تقول غناكلوها

سيف: لا هاداك شعرها وعينيها راه ملي كانت صغيرة وهي هاكاك وقضية التكبر راه غير كتعجبها الوحدة وكتفضل تبقا بعيدة على كترة البشر والهرج ومكتبغيش ضسر عليها بنادم، وفرقي عليك البنت راه متصلاحش ليك ولفعايلك (ساندرا قلبات عينيها بضجر)

جون: عيط عليها تجلس معانا

سيف: خليها طرانكيل حسن

جون: علاش مالها

سيف: السيدة البارح خسرات باباها، الشخص الوحيد لي كان باقي ليها بعد موت ماماها ملي كان عندها 5 سنين وبطريقة خايبة بزاف والدرية شافت كولشي

جون باهتمام: وكيفاش ماتت

سيف: مشنوقة

نايف: مسكينة بقات فيا

ميليسا: باينة تعدبات بزاف

ساندرا: لا باينة باباها غير لبارح مات واليزم صابحة عادي فحاليلا مواقع والو لا وعاد غادا معانا باينة تأترات بموتو بزاف (محسات كيفااش ولا وقتاش كان مشدودة من شعرها ومزدوحة فالأرض)

أينور محنية عندها وشادة ليها شعرها: بغيت غير نفهم مال القحبة دمك معايا ملي دخلت ونتي جابداني.. قلتي صابغة شعري ودايرا ليلونتي وخيبة ومتكبرة ومعرفت أشنو آخر وسكت ليك ولكن باش تجبدي بابا ولا ماما والله للزامل لي حطك حتى نخرج ليك قلبك بيديا ونعفط عليه.. فهمتييييييي (ساندرا خلعاتها بتخنزيرتها ونبرة صوتها وحركات راسها بأه بزربة وطلقاتها بنتير حتى زدحات ليها راسها مع الأرض ودارت عند سيف وخنزرات فيه حتى خلعاتو)

سيف: سسسس سمعيني أأ أنا مقققصدت والو والله (محس براسو غير مقجوج والنفس كيطلعها بزز)