قصة : فتاة منتصف الليل 🕛 | بالدرجة المغربية | البارت 100
القصة | فتاة منتصف الليل 🕛بقلم | Loukita Souhailaالنوع | قصص بالدارجة المغربيةالبارت | 100
أينور قاجاه: شوف أديك الزامل أنا نهار عاودتليكم على حياتي مكنتش فوعيي
سمعتي وسكرانة أما أنا مستحيل نقول ليكم ولو نتفة على لي عشتو حيت أصلا
العربون باين وفمك كياكلك بلا والو ومرة خرا تخرج شي حرف من فمك حتى
نقتلك.. تافقنا ولا لا
سيف ولا حمممممر قريب يسخف وقال ليها بصوت مقطع ومنخفض: تاا فف قناااا
أينور: مزيان (طلقاتو وخلاتو كيتنفس وكيحاول يدخل الهوا لي مشا ليه) يخخخخ
رجلة دالكارطون فيكم غير الهضرة تفوو كنس كاموني (مشات بحالها وباقي
الفريق مخرجين فيها عينيهم حيت فاللول بانت ليهم مهدنة)
سيف كيتنفس
بالزربة: بنت الحرام كانت غتقتلني ولكن أنا الحمار الكلب المسخوط لي بديت
غير كنسرسر ليكم ونسيت ملي كتسمع شي حد كيدوي ليها على واليديها راه كتعصب
بالبيان ومكتعقل على حد ولكن نستاهل (كيضرب فمو) هاك افمي هاك افمي هاك
افمي
نايف: وملي عارف الموضوع حساس بالنسبة ليها لاش جالس تعاودو
سيف: هااااء دابا قلبتو عليا كولشي وليت أنا لي منسواش
ميليسا: وراه نيت مكتسواش حنا راه معارفينش طبعها وسولنا عادي ولكن نتا
عارف كان لازم تخبرنا بلي ميمكنش ليك تقول لينا.. وزيدون الأسرار ديال
الناس مخاصكش تفضحهم
سيف: يييه زيدوني زيدوني
أما واحد ساندرا فحتى حد مداها فيها حتى دار عندها نايف: نتي باقا تما واش مغتنوضيش، ياكما عجباتك النعسة
ساندرا شافت فيه بغضب: سككككككت حسن ليك
نايف: هههه هاهو ساكت
جون: هههه وأخيرا جات لي تحدهم ليك ولفعايلك
ميليسا: لقيتيني مكنبغيش نجبد معاك المشاكيل طلعتي ليا فوق ضهري ولكن الحمد الله جات أينور لي تهبط كواريك
ساندرا كتغلي: اوووووف صافي سكتونا (ناضت كتعتر فجلايلها ومشات للحمام بعدما خنزات فأينور لي مكانتش مسوقة ليها وكتقرا)
جون كان كيشوف فأينور شي شوفات فشي شكل شوية مشا عندها وخلا الكليكة مجمعين مع بعضياتهم
تعليقات: 0
إرسال تعليق