قصة : فتاة منتصف الليل 🕛 | بالدرجة المغربية | البارت 95

أينور: المقر بالعاصمة واشينطن ديسي والحمولة غتخرج من مستودع كاين فشرق نيو يورك مع 06:00 وغينقلوها فطائرات وغيسلكو الطريق البحري لدولة إيطاليا وبالضبط فموناكو وغيبيعوها للرئيس الجديد لإطاليا "فريخو سانت" (غير سكتو وخليوها على الله راه أنا لي الفريخ غيهربلي) شي حاجة خرى (بقاو مصدومين حيت توقعوها على الأقل تبقا حتى للصباح وهي كتبحث)

الحاج: لا لا هادشي لي باغين.. المهم مع 05:00 كونو واجدين باش تمشيو.. وسيفطي إيميل لبقية الفريق وعلميهم فيه على الوقت لي غيجيو فيه لهنا وهاكي هادا (مد ليها فردي) هادا سلاح مرخص خليه معاك ديما أما الأسلحة ديال المهمات فهادوك حالة خاصة

أينور شداتو من عندو: أوك (سيفطات الإيميل ومشا كل واحد لبيتو باش يرتاح)

دخللت لبيتها وشافت فالساعة لقاتها 01:18 دالليل مشات دارت فوقها شال قطني فالأسود والتيلي ديالها وهبطات للجردة كتتمشى وتدوز يديها على الورد.. بقات غادا حتى وصلات للنافورة وجلسات حلى الحافة ديالها دايرة يديها فالما وكتلمس الحوت بيديها وعيون كيراقبوها من بعيد.. رجعات أدراجها وتكات فواحد الأرجوحة دايرة بحال الفوطوي وكبيرة وطلعات عينيها فالسما كتأمل فنجومها.. سهات أينور فأفكارها وبدات كتغني أغنيتها التركية المفضلة بصوتها العذب لي فيه رنة خاصة كيخليك تصنط ليها بلا هواك ولكن كتبقا للغة التركية صوت خاص ورنة خاصة عند أينور

Denize ay vurmuş bana ne

Gun doğmuş çiçek açmiş bana ne

Benim acim aşkimdan sana ne

Istomivorum gelme,

Eline başkasi tutmuş bana ne

Göslerine yabanci dalmiş bana ne

Benim acim aşkimdan sana ne

Istomirorum gelme

Unuturum elbet

Geri döneseğimi zannet

Bende bittin artik sen

Hesabini tanriya ver

Unuturum elbet

Geri döneseğimi zannet

Bende bittin artik sen

Hesabini tanriya ver

 وقفات الغنى مائن سمعات الحس موراها ودارت تشوف شكون

أينور: أش بغيتي؟؟

وجدان: شفتك جالسة هنا وقلت نجي نونسك، نقدر نجلس معاك

أينور رجعات تكات بلا مبالاة: جلسي

وجدان جلسات: احم أنا سميتي وجدان فعمري 21 عام عندي أول عام فالجامعة أنا كنكون خت أدهم احم ونتي

أينور: ماشي ضروري تعرفي

وجدان: هااااء راه عادي غير كنتعارفو

أينور عرفات بلي لصقة ومغاتفاكش معاها: سميتي أينور 21 عام

وجدان: صافي

زفرات أينور بغيض: أول عام فالجامعة واخدة ديبلوم فالمعلوميات ماخت حد مابنت حد مقطوعة من شجرة ويتيمة شي حاجة خرا

وجدان: سمحي ليا أنا مقصدت والو

أينور: عادي

وجدان: احم فخباك سميتك زوينة بزاف كتبان بحاليلا تركية

أينور: حيت تركية

وجدان خرجات عينيها: متقوليش بلي نتي تركية (حركات لبها أينور راسها بالإيجاب) يااااااي أنا كنحماق على شي حاجة سميتها تركيا امممم داكشي علاش كنتي كتغني بالتركية وهو الصراحة صوتك زوين بزاف

أينور: شكرا

وجدان: اممم ملي نتي تركية كيفاش كتعرفي تهدري بالدارجة المطرقة

أينور: ماما تركية وبابا مغربي

وجدان: واش كتعرفي شي لغة خرا من غير التركية والعربية؟؟

أينور: فيك الأسئلة بزاف، راه كترة الهضرة بلا فائدة معندها ضرورة

وجدان: عاااافاك جاوبيني

أينور: أه كنعرف لغات خرين

وجدان: امممم بحالاش

أينور: واش مكتسكتيش

وجدان: هاهي ساكتة (نزلات رتسها ورخات قنوفتها التحتانية بحا لبيبي)