قصة : فتاة منتصف الليل 🕛 | بالدرجة المغربية | البارت 94

خرجات وخلات من وراها بركان قريب ينفاجر وكيصبر راسو بزز أما هو كان قريب يخلطها وسيف والحاج كيتغامزو.. مشات لبيتها وخدات لابتوب ديالها وال usb ومشات للبيرو دخلات وجلسات

أينور: دخلو فالموضوع

سيف: المافيا ديالنا والمافيا الأمريكية واقعين بيناتهوم خلافات وسيفطو لينا جاسوس يجيب ليهم خبارنا (كيفن،كنت دكرتو فالبارتيات اللوالا) والحمولة ديال الأسلحة لي كانت عندنا النص فيها خداوه ومقدرناش نغامرو ونسيفطو جاسوس حيت غيعيقو بينا والهاكرز لي كانو معانا بحثو وعرف بلي غدا غادي يخرجو حمولة ديال الكوكايين فيها 4 طن وحمولة ديال الهيروين فيها 2,5 طن ولكن مكملوش المهمة ومقدروش يعرفو بزاف ديال الحوايج ونتي خاصك تكمليهم لينا

أينور: واخا أنا غادي نحاول ولكن شنو لي بغيتوني نبحث ليكم عليه

سيف: هوما أكيد مغاديش ياخدو الحمولة من المقر داكشي علاش خاصك تعرفي منين غادي تخرج ومين غتدوز وفين غادي تمشي والموقع بالضبط وشكون لي كيتعاملو معاهوم

أينور: تقدر تعطيني أخر متوصلو ليه المبرمجين اللولين باش منعاودش البحث من اللول ونضيعو الوقت

سيف مد ليها واحد الشريحة: هاكي أي حاجة كانو وصلو ليها كاينة هنا وماشي غير هادشي.. أي عملية درناها وحتى لي باقي مبديناها والمخططات وكولشي (خداتها من عندو ودارتها فالابتوب وكوبيات أي حاجة كانت تما للبيسي وحيداتها وخباتها)

أينور: أوك أنا غادي نشوف

بقات كتخربق فالبيسي وهوما جالسين كيستناوها وحتا هوما كل واحد وأش كيدير وأش كيخدم غير باش يتلفو الوقت وميضيعو حتى دقيقة.. بقات هاكاك شي تلاتة دالسوايع عاد رسمات إبتسامة ثقة كدل على وصولها لمبتغاها