قصة : فتاة منتصف الليل 🕛 | بالدرجة المغربية | البارت 85

شداتو من عندو هبطات بلا متزيد حتى كلمة ومشات للدار فتحاتحا ودخلات تلفتات لجهة بيت باباها وبقات كتشوف فيه لثواني وطلعات لبيتها نيشان جبدات لافاليز ديالها باللون الأسود بحجم كبير باش تقدر تهز ليها كولشي..

 حطاتها فوق الناموسية ودارت فيها حوايجها والملابس الداخلية وصبابطها ولاتغوس ديال مستحضرات التجميل ديالها وسيشوار وبلاك وفوط صحية المهم حطات أي حاجة يمكن تحتاجها وسدات لا فاليز وخلات غير اللبسة لي غتلبسها لي كانت عبارة عن سروال جينز مع تيشورت بيضة فيها كتابة بالكحل وسبادري كحلة ودارت كوت شوفال لشعرها وخرجات شي زغيبات من لقدام ودارت شوية ديال ميكاب بالزربة باش ميبانش.

 عليها بلي بكات وهزات حقيبتها ودارت فيها لابتوب ديالها لي كتخدم بيه وشاحن ديالو وusb ديال العمليات لي مسجلة فيه جميع العمليات ديالها ووراقيها والفيزا والباسبور ولاكارط ناسيونال وبزطامها لي عامر كارطات كل وحدة ديالاش وأكيد تيلي ديالها وليزيات وشاحن تيلي، سدات صاكها ولقات باقي دقيقة ويتسالا الوقت.. 

جرات فاليزها وهبطات سدات باب الدار وتمشات جيهة اللوطو كتشوف فأدهم لي كان متكي على اللوطو وكيشوف فالساعة لي غير وقفات حداه تسالات العشرين دقيقة.

أدهم: مزيان.. ديريها فالكوفر (مشات دارت باليزتها فالكوفر وركبات القدام ونطالقو)

الطريق كلها وهوما ساكتينحتى وصلو للمطار ومشات خدات الشانطة ديالها وجراتها معاها وفين ما كيدوزو كيقدمو ليهم التحية.. بقاو غاديين حتى وصلو للساحة لي فيها الطائرات وتوجهو لواحد الطائرة زوينة ونقية.. غير وصلو تعرض ليهم المسؤول ديال المطار

المسؤول: موسيو ثايغر الطائرة ديالك واجدة وكنتما ليك رحلة سعيدة.

أدهم: سيف جا.

المسؤول: وي موسيو سيف كابن لداخل.

أدهم: أوك (دخل هو وأينور للطيارة هي لي عجباتها فالهندسة ديالها والديكورات والفوطويات لي كانو معتامدين فيهم على المارو والبلون كاصي وكانت حسن من برا ببزاف وبقاو غاديين حتى وصلو عند سيف وجلسو وهو بقا غير كيشوف فأينور ودارو السانتيغ وقلعات الطائرة).