قصة : فتاة منتصف الليل 🕛 | بالدرجة المغربية | البارت 84
القصة | فتاة منتصف الليل 🕛بقلم | Loukita Souhailaالنوع | قصص بالدارجة المغربيةالبارت | 84
بقاو هاكاك ربع ساعة وبزوج محسوش بالوقت حتى وقفات أينور من البكى أولا
نقولو تقادا ليها الجهد وأدهم ملي حس بيها سكتات بدا كيرخف عليها حتى بعدات
منو وخللت تيشورط ديالو عامر دموع وحنيكاتها ونيفها حوووومر والدموع باقين
دايرين طريق على حنيكاتها وعينيها فيهم واحد البريق ولمعان ديال الدموع
بانو بحال قطرات الندى ورموشها بانو طوال فحاليلا دايرا ليهم ماسكارا (هي
ديجا رموشها طوال ودابا زادت كملات الباهية) .
وشعرها لسق على وجها الخلاصة بانت سووووو كيوووووت مع هي كتحاول تمسح
دموعها لي مبغاوش يوقفو بالضهر ديال يديها وديك الكسوة ديال السبيطار لي
لابسة بانت بحال شي بنت صغيرة وأدهم بقا سااااااهي فيها وهنا بانت ليه
أينور الطفلة الضعيفة لي كتحاول تخبيها ودافناها وبلا هواه لقا راسو كيمسح
ليها دموعها بنظرات معرفاتش تفسرهوم (لي قالو نظرات حب فراه نبغي نقول
ليكوم بلي راكوم غادين فالخسران) .
وأينور كتبادلو نفس النظرات.. حس على راسو أش دار وحيد يديه ودار راجع
للوطو وأينور تابعاه.. طلعو وأينور دارت راسها على زاجة وكسيرا، بقاو
غاديين حتى وقف قدام الدار ديال أينور وهي مستغربة
أدهم: هبطي.
أينور دارت عندو: علاش؟؟.
أدهم: واقيلا منسيتيش الإتفاق لي بيناتنا وإلى نسيتيه أنا نفكرك ماشي موشكيل.
أينور: لا منسيتوش.
أدهم: مزيان.. 20 دقيقة جمعي فيها كاع لي غتحتاجيه و وراقيك كاملين وأجي (عطاها ساروت ديال الدار).
تعليقات: 0
إرسال تعليق