قصة : فتاة منتصف الليل 🕛 | بالدرجة المغربية | البارت 86

فالحياة ماشي أي حاجة بغيتيها كتحصل عليها وماشي كولشي كيعيش مزيان وماشي كولشي كيعيش محكور كاين لي كيتخلق وففمو معلقة من ذهب وكاين لي كيتخلق على لحاف قديم وبالي وكاين لي تربى على الحنان والدفئ وكاين لي تربى على العصى والبكى والحقد.

ماشي ديما خاصنا ملي نفقدو شي حاجة عزيزة علينا نبكيو ونضرو راسنا بالعكس خاصنا نقواو ونبنيو راسنا بشخصية جديدة ومعمرك تبين الضعف ديالك لشي حد حيت أحيانا هاداك لي كتبينلو ضعفك هو فالحقيقة مكيواسيكش بل غير كيتأكد واش نتا بصح مألم وهاكا دارت أينور فكرت أنه إلى بقات على البكا فراه مغاتستافد والو وقررت تكمل حياتها عادي وفالوسط لي شافت راسها كتنتامي ليه وهو لي غادي ينسيها ولكن واش بصح هادا هو مرادها ومكتفكرش فشي حاجة خرا؟؟.

حطت الطائرة فالأراضي الروسية وبالضبط فمطار موسكو الدولي عاصمة روسيا الثلجية البلاد لي حركت قلوب الملايين بأغاني العشق ديالها وشهدت على آلاف قصص الحب مثل كاتيوشا وكالينكا هاهي اليوم غادي تشهد على قصة حب أخرى ولكن من نوع خاص. ومن هاد اللحظة غادي تتقلب حياة أينور للأحسن ولا للأسوء، نخليكوم تكتاشفو مع الوقت.