قصة : فتاة منتصف الليل 🕛 | بالدرجة المغربية | البارت 90
القصة | فتاة منتصف الليل 🕛بقلم | Loukita Souhailaالنوع | قصص بالدارجة المغربيةالبارت | 90
جابوليهم الخدامات ما يشربو وبقاو كيتحدثو بيناتهم على أمور الخدمة
والمهمات لي غتقوم بيهم أينور حتى سمعو صوت شي بنت كتعيط لأدهم من اللور
ودارو كلهوم
كانت بنت زوينة ببشرة حنطية وعينين رماديين ونيف مقاد وفم
صغير ومنفوخ غير ديال البوسان وشعر بني غامق ومتدرج أما لاطاي عادية
الحاصووووول تيتيزة
وجدان: أدهههههههههم (مشات كتجري وغير وصلات كانت غطيح كون مشداتهاش أينور حيت هي لي جالسة فالطرف)
أدهم ناض مخلوع: وجدان وقعات ليك شي حاجة
وجدان ناضت وعاوناتها أينور وبقات كتشوف فيها: شكرا
أينور رجعات جلست ومشافتش فيها: عادي
وجدان شافت فأدهم: هههه لا موقع ليا والو
أدهم: مالك غير كطيري بشوية عليك
وجدان بغنج: واصافي أخويا متحرمهاش
أدهم فتح يديه: أجي أحبيبة خوها أجي (ضحكات ومشات عنقاتو كتمخشش فيه وتبوسو فوجهو)
سيف: رصاي راك غتخنقي السيد
وجدان شافت فيه وهي باقا معنقة أدهم: مسوقكش أسيدي ديها فراسك أنا نعنق خويا ونتا مالك
أدهم: صافي سكتو بزوجكم
هادشي كامل داز على عينين أينور لي مقدراتش تصبر وطرطقات الكاس فيديها بلاما تحس حتى دارو عندها كاملين
وجدان بخوف: ييي ي ييدك يدك كتنزف
سيف ناض عندها: شنو هادشي درتي أ أينور أجي معايا نعقمها ليك
أينور خنزرات فيه: مبغيتش
مشات عندها وجدان وعينيها مغرغرين قريبة تبكي: كيفاش مبغيتيش ويديك مجروحة
وكتنزف (وجدان بطبها حنينة وضريفة لأقصى درجة ونية بزاف ودغيا كتبكي لي جا
وقاليها شي حاجة كيأتر عليها وعلى نفسيتها داكشي علاش شخصيتعا ضعيفة ومن
الصغر ومكتقدرش دافع على راسها وكتسكت على حقها واخا تكون هي المضلومة ولي
عندها الحق ومكتبغيش المشاكيل)
تعليقات: 0
إرسال تعليق