قصة : فتاة منتصف الليل 🕛 | بالدرجة المغربية | البارت 139
الطبيب: ههه رجعات المريضة رجعات هه هوووف
الممرضات ولاو يتعانقو مع بعضياتهوم وكذلك الدراري فرحانين وأدهم كتاسحات وجهو علامات الفرح وباس ليها يديها بكل جلتنمانية (اه الالة أينور وكون تعرفي شنو درتي فهاد اليتامة محد الممرضات كيتباوسو قريب يديرو علاقة كاملة )
سررررر سرررر جبد الفون من جيبو بلا ميطلق من يدين أينور ولقاه سي مصطفى وعقد الحداش ببن حواجبو وخرج
أدهم: وي
سي مصطفى: واش كولشي هو هاداك مموالفاش ليكم متخبرونيش باحوال المهمة واش واقعة شي حاجة
أدهم: أينور
سي مصطفى: مالها أينور
أدهم: ساندا شمماتها داك العقار ودابا هي بين الحياة والموت ومقدرناش نقلعو حتى نشوفو حالتها
الحاج: شنووووو واش بصح صافي صافي أنا دابا جاي
أدهم: لا مايحتاجش غادي نجيو نيشان للكلينيك
الحاج: والله أ أدهم وتوقع لأينور شي حاجة متلوم غير راسك
أدهم: واش كتهددني ولا جاب ليا الله
الحاج: للأسف اه
أدهم: أوك متكون غير على خاطرك (قطع)
خرج الطبيب ومشاو عندو كاملين
الطبيب: فالصراحة المريضة وضعها حرج بزاف ويمكن فأي لحظة تموت وضروري خاصها عناية كبيرة وتقدر تحتاج لعملية يعني خاصنا نقلعو من هنا باش ناخدوها للكلينيك
أدهم أوك يالاه نمشيو ماكاينش الوقت
مشاو بلايصهوم ودارو السانتيغ وقلعات الطائرة
مسافة ديال الطريق ووصلو لمطار موسكو ونزلو أينور فالبياص وطلعوها هي وساندرا فلونبيلونص لي سبق عيط عليها أدهم قبل ميوصل وجات فالحال
هاد المرة جابو ليهم لوطويات وكل واحد طلع فديالو وتبعو لنبيلونص حتى وصلو للكلينيك ولقاو الحاج تما وغير وصلات وملي نزلو ساندرا مكرهش يتلاح عليها يقتلها غير حبس راسو فآخر لحظة
دخلو معاهم كيتجاراو ودخلو أينور لغرفة العمليات وتشعل الضو الأحمر وساندرا لغرفة عادية حيت غير إصابات خفاف فوجهها
آرائكم وتوقعاتكم؟!
تعليقات: 0
إرسال تعليق